Þeir félagarnir Andri Björn, Fannar Freyr og Sveinn Fannar voru búnir að vera með þá hugmynd lengi um að gera eitthvað svona grín-lag með fyndnu myndbandi, svona svipað eins og Steindinn Okkar og 12:00 ( Verzló ) hafa verið að gera. Þeir eru allir miklir Þjóðhátíðarstrákar þannig að það kom ekkert annað til greina en að tengja þetta lag eitthvað við Þjóðhátíð. Þeir settust niður eitt kvöldið með það markmið að semja virkilega væmið en samt fyndið Þjóðhátíðarlag og útkoman var lagið Þjóðhátíðar ást.

Maður hefur oft séð einhver svona tónlistarmyndbönd í sjónvarpinu þar sem allt er í slow motion, einhverjir gaurar að syngja á ströndinni og allt er geðveikt væmið. Það er alveg virkilega fyndið og um leið súrt. Myndbandið þeirra er mikið í þeim stíl. Fyndið og um leið mjög súrt. Félagarnir skelltu sér til Eyja í síðustu viku og tóku upp myndbandið við 2011 útgáfuna af laginu en þeir gerðu einmitt fyrri útgáfuna af laginu í fyrra og má sjá hana HÉR.

Andri Björn, Fannar Freyr og Sveinn Fannar sáu um textasmíðina og  Fannar Freyr samdi svo lagið, tók það upp og gerði myndbandið við það og er hægt að horfa á það með því að smella HÉR.

Einnig er hægt að sækja lagið með því að hægri smella HÉRNA og velja save target as.